ۇلىتاۋ وبلىسى, ساتباەۆ قالاسىنىڭ پوليتسەيلەرى «شاپيتو» تسيركىنىڭ 18 جاستاعى ءارتىسى ماريا كاتسۋننىڭ ولىمىنە قاتىستى تەرگەۋ جۇرگىزىپ جاتىر. الدىن الا نۇسقا بويىنشا بويجەتكەن وزىنە قول جۇمساعان بولۋى مۇمكىن, دەپ جازادى Egemen.kz.
الەۋمەتتىك جەلىلەردە ماريا كاتسۋننىڭ ءولىمى تۋرالى اقپارات تاراعان ەدى. حابارلاردا قىزدىڭ سۋيتسيد جاساعانى ايتىلادى. بىرنەشە كۇن بۇرىن ول «شاپيتو» تسيرك ترۋپپاسىمەن بىرگە ساتباەۆقا گاسترولدىك ساپارمەن كەلەدى. قىز قانداي جاعدايدا قايتىس بولعانى ءالى بەلگىسىز.
ۇلىتاۋ وبلىسىنداعى پوليتسيا وكىلدەرىنىڭ رەسمي مالىمەتىنشە, قىزدىڭ ولىمىنە قاتىستى قىلمىستىق كودەكستىڭ 105-بابى, «سۋيتسيدكە جەتكىزۋ» بويىنشا تەرگەۋ جۇرگىزىلۋدە.
- ءتيىستى ساراپتامالار تاعايىندالدى, ولاردىڭ ناتيجەلەرى بويىنشا پروتسەستىك شەشىم جاعىمدى بولادى, - دەپ حابارلادى پوليتسيا دەپارتامەنتىنىڭ ءباسپاسوز قىزمەتى.